ದೇವರ ಹುಡುಕಾಟದಲ್ಲಿ

ನೀನೇನು ಬಲ್ಲೆ ಜೀವನದ ಹೊರೆ
ಭೂಲೋಕಕ್ಕೆ ಕಳಿಸಿ ಆಗಿರುವೆ ದೊರೆ

ಹೇಗೆ ಮಾಡಲಿ ನಾ ನಿನಗೆ ಕರೆ
ಎಷ್ಟು ಉಜ್ಜಿದರೂ ಬರದು ಈ ಜೆವನದಿಂದ ನೊರೆ

ನಿನ್ನ ಹೆಸರು ಭೂಲೋಕದಲ್ಲಿ ಹಲವು
ನಿನ್ನೋಲಿಸಿದರೆ ಬರುವುದು ಎಲ್ಲಿಲ್ಲದ ಬಲವು
ಎಲ್ಲಾರು ತೋರಿಸುವರು ದಾರಿಗಳು ಹಲವು
ಏನು ಮಾಡಲಿ ಗಳಿಸಲು ನಾ ನಿನ್ನ ಒಲವು

ಹುಡುಕಾಡಿದೆ ಎಲ್ಲಾ ಗುಡಿ-ಗುಂಡಾರಗಳ
ಕೂಡಿಸಲು ಹೊರಟಿದ್ದೆ ಸ್ವರ್ಗಕ್ಕೆ ನಳ
ಸಿಗಲಿಲ್ಲ ನನಗೆ ಸೂಕ್ತವಾದ ಸ್ಥಳ
ಗೊತ್ತಾಯ್ತು ನನಗೆ ನೀ ಸಿಗುವುದೇ ವಿರಳ

ಅರಿವಾಯ್ತು ನನಗೀಗ ನೀನೆಲ್ಲೂ ಇಲ್ಲ
ಮೋಸ ಹೋದೆ ನಾ ಕೇಳಿ ಜನರೇಳಿದ ಸುಳ್ಳ
ನನ್ನಲೊಳಗೆ ನೀನುರುವೆ ಹೌದೇನೋ ಕಳ್ಳ?
ಇನ್ನ್ಯಾರೂ ಮಾಡರು ನನಗೆಂದೂ ಮಳ್ಳ